ARDETTUS

ARDETTUS

nomen erat loci, in Graecia, prope fluv. Ilissum, dicti ab Ardetto viro Optimate, qui populum tumultuantem et seditionis manifestum, iureiurandi religione ad pacem et amicitiam servandam adstrinxit. Unde mos ortus, ut postmodum Atheniensium Iudices, eodem loci, per Apollinem Patrium, Cererem ac Iovem Regem, iurare tenerentur, se secundum Leges ius dicturos, iisque in casibus, ubi lex nil definiret, ex aequo et bono sententiam laturos. Etymologici Auctor, Ε᾿ν τούτῳ οὖν τῷ χωρίῳ ὤμνυον οἱ δικαςταὶ δικανικ. ὅρκον, In hoc igitur loco iurabant Iudices Iudiciale iuramentum. A'consueto hoc iurandi loco, factum postea, ut qui ad iuramenta temere prosiliebant, vel etiam periuriis infames erant, dicerentur Α᾿ρδηττοὶ, Hesych. proverbialiter, i. e. periuri. Vide Franc. Rosaeum Archaeol. Att. l. 3. c. 3. et infra Dicasteria.